Құрметті «Ұрпақтар» қоғамдық қоры сайтының қонақтары! Біздің сайт менің арғы атам Табын руы, Дауылтай бөлімінен болатын Жолбарыс Торыұлын еске алуға арналады.

Біз, аға буын, осыған дейін біздің халықтың тарихына жете көңіл бөлінбегенін жақсы білеміз. Кезінде теріге жазылған құнды құжаттар жойылды, көмілді, өртенді, жыртылды, жоқ болды.

Біздің мақтануға тұрарлық ұлы батырларымыз, оқымысты-ғалымдарымыз, ағартушыларымыз, ақындарымыз бұдан да көп болар ма еді, алайда бұрынғы замандардың бұлдыр елесі сияқты санамызда сақталғаны санаулы есімдер ғана.

Осындай өр тұлғалы алыптардың ішінде алдымен ауызға алынатындардың бірі Жолбарыс батыр Торыұлы екені сөзсіз (шамамен 1785 – 1874жж.), ол Қазақстан Республикасы Батыс Қазақстан облысы Бөрлі ауданы өмір сүріп, шайқасқан және сол жерде жерленген. Батырдың сүйегі Ақсай қаласынан 4 шақырым жерде жатыр.
Бүгінде бұл есім біздің өңірде кеңінен танымал: оның сауыты аудандық өлкетану мұражайында көптен бері сақталуда және осы мұражайдың ең көне жәдігерлерінің бірі болып саналады, республикалық, облыстық және аудандық газеттер мен телеарналарда Жолбарыс Торыұлы туралы материалдар көптеп жариялануда.
Қазіргі таңда жас ұрпақ елдің өткеніне көп қызығушылық танытуда, бұл, әрине, өте қуанарлық жағдай. Адамдар өз өлкесінің әйгілі тұлғалары мен олардың өрен істерінен хабардар болып, туын тіккен туған жерінің тарихынан тәлім алуы тиіс.

Мен өз руымның тарихы мен өзімнің кіші отаным Ақсай қаласының тарихын мақтан етемін.

Жуық арада біздің ауданымыз бен қаламыз ірі тарихи-мәдени орталыққа айналып, ұлттық мәдениетінің, халық салт-дәстүрлерінің сақталуына септігін тигізетін жағдайлар жасалады деп сенемін.

Құрметпен,
Жолдығали Батырханов,
БҚО Бөрлі ауданы Ақсай қаласының
құрметті азаматы, еңбек ардагері,
Жолбарыс Торыұлының төртінші ұрпағы.